EficienTIC

Imaxes da derradeira xornada de EficienTIC 2012

2012-02-17T07:25:00.002-08:00

Vémonos na seguinte cita coa ciencia e a tecnoloxía!

EficienTIC pecha coa participación de 800 estudantes

2012-02-17T07:18:00.001-08:00

Coa participación duns 100 estudantes de secundaria e bacharelato en cada xornada, EficienTIC foi a primeira colaboración entre as entidades GRADIANT, ENERGYLAB e CITEXVI

As actividades foron gratuítas para os centros e contaban coa cofinanciación da FECYT (Fundación Española para a Ciencia e a Tecnoloxía)

"Estamos moi satisfeitos co resultado. Os rapaces mostráronse moi motivados e participativos e os profesores transmitíronnos que os contidos dos obradoiros foron moi axeitados", declara a organización

Onte pola mañá, 100 estudantes de dous centros de Vigo acudiron á derradeira xornada de EficienTIC 2012. O conxunto de obradoiros que compoñen a iniciativa desenvolvéronse ao longo de oito xornadas nas instalacións que os centros tecnolóxicos GRADIANT e ENERGYLAB teñen no edificio CITEXVI e nas salas e zonas común do propio edificio.
As actividades estaban centradas na concienciación sobre o uso eficiente da tecnoloxía, así como en utilizar a propia tecnoloxía para coidar o medio ambiente. Así, os estudantes comprobaron como co illamento adecuado nunha vivenda se evitan perdas de enerxía innecesarias, como poden aforrar con un correcto uso do seu ordenador, viron cos seus propios ollos a evolución dos teléfonos móbiles, aprenderon, como funciona unha pila de hidróxeno, como acender unha radio aproveitando o calor que desprende unha candea ou como aplicar o recoñecemento facial á eficiencia enerxética e competiron entre si nun Scalextric movido polas súas propias pedaladas.

Os obradoiros

Mais o Scalextric non era a único exemplo práctico. De cara a facer máis visibles os efectos e os procesos que se explicaban, utilizáronse diferentes recursos. Explicáronse os métodos e as aplicacións creadas en GRADIANT de recoñecemento biométrico, enfocaron unha parede que imitaba unha vivenda cunha cámara termográfica, aínda que preferían enfocarse a si mesmos e ver como a roupa presentaba unha temperatura moi inferior á súa pel. A eficiencia das diferentes luminarias foi comprobada nun panel cun medidor de consumo, que tiña bombillas e tubos de distinto tipo. Tamén puideron observar un sistema de hidróxeno a pequena escala. Grazas á luz dunha lámpada, xerouse enerxía en pequenos paneis fotovoltaicos que permitían obter a electricidade necesaria para a xeración de hidróxeno a partir de auga, hidróxeno que movía á súa vez un ventilador.
Outro concepto que era novo para os estudantes é o chamado energy harvesting ou recolección de enerxía, que é o proceso mediante o cal un dispositivo é capaz de aproveitar a enerxía residual presente no ambiente (neste caso unha candea) para producir enerxía eléctrica que pode ser almacenada ou utilizada para alimentar sistemas de baixo consumo. Neste caso, aproveitábase a calor producida por unha candea para acender un LED e unha radio. Esta demostración provocou que os alumnos preguntasen incansables cómo facer o prototipo no seu instituto e nas súas casas para "cargar o móbil en caso de necesidade".
Unha charla introductoria ás actividades, unha exposición de móbiles "antigos", unha visita ao edificio CITEXVI e unha charla sobre o uso eficiente do seu ordenador personal completaban a visita.
Os encargados de planificar e dirixir tódolos obradoiros foron investigadores de GRADIANT e de ENERGYLAB, que por uns días cambiaron o seu vocabulario técnico por explicacións sinxelas e demostrativas, para conseguir chegar aos rapaces.

Doble obxectivo: alentando vocacións

Con este tipo de iniciativas, conséguese que ademais de desenvolver os propios obradoiros, os rapaces entren en contacto cos enxeñeiros, cos investigadores dos propios centros, e teñan a oportunidade de facerlles tódalas preguntas que podan xurdir e de aclarar as súas dúbidas sobre as carreiras técnicas. Moitos dos visitantes comentaron cos investigadores as súas preferencias polas enxeñarías e estes explicáronlles as diferentes saídas e os coñecementos que proporciona cada carreira.

EficienTIC en cifras

Total de estudantes: 800 estudantes pasaron por EficienTIC
Cada día, 100 estudantes, xeralmente coincidindo dous centros diferentes
Celebráronse un total de 8 xornadas, repartidas en 4 semanas
Os estudantes eran de 15 centros diferentes: IES Primeiro de marzo (Baiona), IES Carlos Casares (Vigo), CPR Divino Maestro (Ourense), IES A Guía (Vigo), IES Francisco Sánchez (Tui), IES San Tomé de Freixeiro (Vigo), IES María Casares (Oleiros), IES María Soliño (Cangas), IES Pontecaldelas (Pontecaldelas), IES Alexandre Bóveda (Vigo), IES República do Uruguai (Vigo), IES San Paio (Tui), Apóstolo Santiago (Vigo), IES Valadares (Vigo), Colexio Quiñones de León (Vigo)

Outros 100 alumnos visitan EficienTIC

2012-02-14T10:15:00.000-08:00

Na penúltima xornada de EficienTIC recibimos a visita de 100 alumnos, de centros de Vigo e de Tui.
Aquí tedes as imaxes de hoxe!

100 estudantes de Vigo visitaron hoxe EficienTC

2012-02-09T07:52:00.000-08:00

Esta mañá, cen rapaces dos centro vigueses IES Alexandre Bóveda e IES República do Uruguai visitaron as actividades de EficienTIC.
Unha xornada máis desfrutamos todos xuntos aprendendo como utilizar as TIC para aforrar enerxía e ser máis eficientes e cales son as fontes de enerxía máis limpas.
Da xornada de hoxe non temos moitas imaxes porque, como novidade, estamos a preparar un vídeo!

Estudantes de Cangas e de Pontecaldelas visitan EficienTIC

2012-02-07T09:59:00.000-08:00

Esta mañá, 100 alumnos de centros de Pontecaldelas e de Cangas do Morrazo visitaron as actividades de EficienTIC. Coma noutras xornadas, visitounos tamén un equipo de A Revista da TVG. Esta vez conectamos en directo! Mirade aquí que ben o fixeron todos eles. Saimos ao inicio do programa e despois no minuto 41.00.
Aquí vos deixamos as fotos!

EXPERIMENTANDO PARA SER MÁIS EFICIENTES

2012-02-02T09:14:00.000-08:00

· Esta mañá, un nutrido grupo de alumnos dos centros IESMaría Casares de Oleiros e do Santo Tomé Freixeiro de Vigo puderon experimentarcon tecnoloxía eficiente

· Recibiron consellos e instrucións de investigadores doscentros EnergyLab e Gradiant

· CITEXVI (Cidade Tecnolóxica de Vigo), GRADIANT (CentroTecnolóxico de Telecomunicacións de Galicia) e ENERGYLAB (Centro Tecnológico deEficiencia y Sostenibilidad Energética) organizan EficienTIC, unhas xornadas dedivulgación dirixidas a estudantes de secundaria e Bacharelato de toda Galicia

· As actividades inclúen demostracións e visitas guiadas,completadas con obradoiros, para aprender cómo utilizar a tecnoloxía que nosrodea do xeito máis eficiente posible e como esta mesma tecnoloxía pode axudarao medio ambiente, como as enerxías renovables poden alimentar as nosasmáquinas ou como facer funcionar aparatos sen estar conectados á rede eléctrica.

· A organización espera que as actividades “sirvan paraachegar aos rapaces á ciencia e á tecnoloxía e que fagan súas ferramentas quepermiten un aforro enerxético considerable”. As xornadas están cofinanciadaspola FECYT.

Unha xornada máis, dous grupos de estudantes dediferentes centros galegos visitaron as instalacións de CITEXVI para participarnas charlas e obradoiros que as entidades CITEXVI, Gradiant e EnergyLaborganizan.

Através dunha pequena charla e varios obradoiros que se desenvolven ao longo detoda a mañá, os rapaces poden comprobar como segundo a forma de utilización dosdispositivos e os costumes no fogar ou na escola, pódese non só axudar areducir as emisións de CO2 á atmosfera ou coidar o medio, senón tamén chegar aaforrar un bo diñeiro a final de ano: “Vou facer todo iso na casa, e co queaforren meus pais, hei mercar unha Play Station”, comentaban algúns, vendo asposibilidades de aforro.

Como obxectivo secundario, espertarvocacións e guiar aos rapaces e rapazas

Ao mesmo tempo que experimentaban eaprendían, algún confesaba a súa vocación de enxeñeiro de telecomunicacións,comprobando divertido a grande variedade de aplicacións que podería chegar adesenvolver cos coñecementos que lle aportaría a carreira. Outros, mostrábansemáis tímidos descubrindo algunhas posibilidades e saídas que as carreirastécnicas lles poden aportar. Os investigadores de ambos centros tiveron queresponder a moitas dúbidas durante os obradoiros, sobre o que estaban facendo esobre as súas respectivas carreiras, tratando de guiar a estes alumnos que nunano terán que escoller onde continúan os seus estudos.

Aquí tedes unhas cantas fotos

EficienTIC, unha nova xornada

2012-01-31T09:30:00.000-08:00

Esta mañá recibimos ao IES A Guía e ao IES Francisco Sánchez de Tui. Agardamos que teñades aprendido moito e sobre todo, que o pasarades moi ben con nós. Agardamos que nos visitedes en vindeiras edicións!
O xoves, recibimos dous novos grupos.
Aquí vos deixamos algunhas imaxes

Segunda xornada de EficienTIC

2012-01-26T09:15:00.000-08:00

Esta mañá celebramos a segunda xornada de EficienTIC, cos centros IES Carlos Casares de Vigo e o CPR Divino Maestro de Ourense, xuntándonos 100 estudantes mais os participantes por parte de GRADIANT, ENERGYLAB e CITEXVI.

Agardamos que vos gustara e esperamos vervos en vindeiras edicións!

Aquí vos deixamos algunas imaxes, das visitas do martes e de hoxe

SESENTA ESCOLARES APRENDEN A SER MÁIS EFICIENTES NO USO DAS TIC

2012-01-24T08:51:00.000-08:00

Estamañá, sesenta alumnos de secundaria e bacharelato, procedentes dun centro deBaiona, inauguraron unha serie de xornadas de divulgación científico-tecnolóxicaque terán lugar nas instalacións de CITEXVI, GRADIANT e ENERGYLAB.

Asxornadas concentran diferentes charlas e obradoiros, a través dos cales oestudantes coñecerán o nivel de contaminación dos seus trebellos tecnolóxicos etamén como utilizalos para aforrar e ser máis eficientes enerxeticamentefalando.

UnScalextric que funciona coa enerxía xerada polos propios estudantes ao darpedaladas nunha bicicleta, unha radio que funciona coa enerxía xerada por unha soacandea, pantallas que se apagan cando non hai ninguén diante e volven funcionarcando “ven” unha cara... con múltiples exemplos prácticos, búscase xerarcuriosidade e conciencia sobre os consumos dos aparellos electrónicos e asalternativas para seren máis eficientes.

Astres entidades, CITEXVI, EnergyLab e Gradiant, organizan nestes primeiros mesesdo ano, unha serie de obradoiros centradas na tecnoloxía e na eficienciaenerxética.

Estasactividades desenvólvense no propioedificio CITEXVI, inaugurado este verán por Cristina Garmendia (ex ministra deCiencia e Innovación) e o presidente da Xunta de Galicia Núñez Feijoó e queconta con múltiples espazos para a organización deste tipo de xornadas. Nassúas instalacións están establecidos, entre outros, Gradiant e EnergyLab, douscentros punteiros en cadansúas especialidades que, desta volta, se unen paraofrecer unha actividade de divulgación dirixida a fomentar o uso eficiente eresponsable da tecnoloxía.

Estexoves, as entidades acollerán a segunda xornada, que se repetirá os martes e osxoves ao longo de case todo o mes de febreiro.

Estasxornadas, que están cofinanciadas pola FECYT (Fundación Española para laCiencia y la Tecnología) supoñen a primeira actividade de divulgacióncientífica organizada en colaboración por entidades aloxadas no edificio CITEXVI.

Paraseguir o desenvolvemento das actividades:

www.eficientic.blogspot.com ; www.gradiant.org ; www.energylab.es ; www.citexvi.es

Twitter:@Eficien_TIC @GradiantNews @Energylab1

Comeza EficienTIC!

2012-01-17T08:20:00.000-08:00

Comezaremos as visitas o vindeiro día 24 de xaneiro ¡e xa temos tódalas prazas cubertas! Se o teu centro quedou fóra, sentímolo moito e animámoste a estar atento ás novidades e poder seguir de preto os contidos das actividades aínda que non esteas aquí.
Se o teu centro está anotado na lista de espera, permanece atento ao teu email. Se temos cancelacións de última hora, chamaremos á lista de espera por rigorosa orde de chegada.
Seguiremos informando!

O ataque do móbil pataca!

2011-10-04T08:22:00.000-07:00

O seu plan é volver ao século XXI e acabar coa eficiencia enerxética e tecnolóxica!

Contraataca á tecnoloxía obsoleta. Ven coa túa clase ás charlas e talleres de Eficientic en CITEXVI

Que é EficienTIC?

O proxecto de divulgación científica EficienTIC é un conxunto de actividades e talleres dirixidos a escolares de ESO e Bacharelato dos centros escolares galegos, coa fin de difundir e divulgar os conceptos básicos e as tecnoloxías máis innovadoras das áreas nas que traballa EnergyLab (Centro Tecnolóxico de Eficiencia e Sostenibilidade Enerxética) e Gradiant (Centro Tecnolóxico das Telecomunicacións de Galicia), que son as áreas das tecnoloxías de Información e Comunicacións (TIC) e a da eficiencia enerxética.

Estes dous centros están situados en CITEXVI (Cidade Tecnolóxica de Vigo). As súas instalacións se caracterizan por estar deseñadas con criterios bioclimáticos e que integran tanto enerxías renovables como tecnoloxías punteiras no sector TIC.

As actividades

1. Charla introductoria: Aspectos fundamentais sobre as TIC e a eficiencia enerxética.

---> Qué son as TIC?

---> Contamina Internet? E o meu ordenador? Medidas para reducir as emisións relacionadas coas TIC

---> Que poden facer as TIC en canto ao coidado do medio?

---> O concepto de enerxía

---> Que son as enerxías renovables. Tipos de enerxías renovables
---> O concepto de eficiencia enerxética. Eficiencia Enerxética no fogar

2. Visita guiada ás instalacións de CITEXVI

Mostraranse as tecnoloxías que se están a utilizar no edificio e que constitúen exemplos prácticos tanto de enerxías renovables como eficientes, coma a xeotermia, paneis solares, biclimatismo ou iluminación eficiente.

CITEXVI non é só un edificio avanzado. Ademais é un complexo sistema bioclimático que permite a reducción de consumos e xerar a súa propia enerxía. Todo isto parte do deseño do edifico, aplicando tecnoloxías pasivas como a dobre pel exterior, permitindo o aproveitamento das sombras e a ventilación natural na fachada.

Pero ademais dos sistemas pasivos, presenta medidas activas, como a climatización a partir da terra, mediante a instalación de bombas de calor xeotérmicas, altamente eficientes, os sistemas de xeración fotovoltaica na cuberta do edificio, que permiten a xeración da enerxía.

A visita desenvolverase explicando a estructura da edificación e facendo especial indicendia nos elementos da instalación xeotérmica de climatización e do sistema de xeración fotovoltaico. Os asistentes poderán identificar os distintos compoñentes que conforman ambas instalacións.

Mais todo iso non sería posible sen un sistema de xestión intelixente que optimiza consumos e xeración.

3. Talleres

Os alumnos poderán realizar diferentes actividades e experimentos da man dos profesionais de EnergyLab e Gradiant, nos que poderán ver de forma práctica e participativa diferentes conceptos:

Análise de illamento

O illamento nas vivendas é un factor importante para a redución dos consumos enerxéticos de calefacción. Con esta pequena demostración, os alumnos poderán analizar a comparativa entre os distintos elementos que constitúen unhas fachadas, como son os vidros das xanelas, ou as paredes? Poderase observar de forma instantánea a transmisión de calor nos devanditos materiais e as perdas de calor que se suceden nunha vivenda.

Para isto, aproveitarémonos das características dunha cámara de vídeo termográfica que permite ver os focos quentes e fríos dunha carama climática nunha escala de cores.

Nesta cámara climática instalaranse probetas de diversos materiais típicos dunha vivenda, como son as ventás de vidro simple, de vidro dobre, paredes sen illamento e con illamento, e poderán ver como afecta o illamento na transmisión da calor dunha zona da cámara á outra.

Ademais, cunha breve explicación, poderán valorar e observar en situ, a verdadeira influencia dos illamentos.

Como complemento, coa cámara poderase analizar o illamento do edificio actual.

Sistema de hidróxeno

O hidróxeno é o futuro combustible, pero para a súa xeración, é necesario o uso de enerxía eléctrica, por iso é polo que se considere un combustible renovable se esta enerxía provén de fontes renovables. Coa actividade presentada, os alumnos poderán observar a pequena escala, cómo grazas á luz, se pode xerar hidrogeno e usalo para alimentar un ventilador.

Disporase dun sistema mediante o cal cunha lámpada se xerará enerxía en pequenos paneis fotovoltaicos que permiten obter a enerxía eléctrica necesaria para a xeración de hidróxeno a partir da auga. Unha vez obtido o hidróxeno, poderase observar como ao paso por unha pila de hidróxeno, xeraríase electricidade para mover un ventilador.

Con todo este xogo, poderán observar, a xeración eléctrica mediante enerxías renovables, a transformación da enerxía en hidrogeno e o uso deste para o movemento dun ventilador.

Iluminación

Nunha vivenda, o consumo da iluminación, supón un 35%. Por iso, o ter conciencia da eficiencia enerxética é de vital importancia. Con esta actividade os alumnos poderán observar as distintas tipoloxías de iluminación que existen, así como observar como afectan os pequenos xestos que se poden facer e os controis do futuro, como sensores de luz, etc.,

A actividade desenvolvésese grazas a un panel onde estarán dispostos as lámpadas e os distintos sistemas de control. Disporanse de pantallas onde se poderá observar a variación da iluminación cos distintos controis.

Scalextric

A xeración de enerxía é moi variada, pero pódese xerar da forma máis divertida con esta actividade. Nela, producirase enerxía eléctrica mediante o pedaleo dunha bicicleta e esta enerxía será suficiente para alimentar un Scalextric. Ademais, grazas á intensidade do pedaleo, o coche do Scalextric, poderá ir máis ou menos rápido, co que se lle engadimos catro competidores, poderemos celebrar o "Gran Prix Bike" entre catro alumnos.

A actividade desenvolvésese sobre unha bicicleta montada de xeito que estea estática, coa roda conectada aos dinamómetros, que permitirán obter a enerxía suficiente para alimentar ao Scalextric.

Esta enerxía canalizarase a través do sistema de conexión e grazas á intensidade de pedais, o alumno poderá acelerar ou decelerar o vehículo, como se realiza actualmente no mando do xogo, pero esta vez coa súa intensidade de pedalear.

Un xogo divertido e didáctivo que fará ver aos alumnos como o seu movemento permite a xeración eléctrica suficiente como para xogar e competir.

Consellos para o uso eficiente do computador

Sabemos canta enerxía consumen os nosos computadores persoais? Como é lóxico, este consumo de enerxía carrexa un custo. Este custo pódese reducir realizando accións encamiñadas ao aforro enerxético.

Nesta actividade tratarase o tema do consumo enerxético de PCs e portátiles. O obxectivo é valorar tanto o custo da enerxía que consomen como o posible aforro que se pode alcanzar adoptando determinados hábitos de uso, comprendendo as opcións de configuración de enerxía nos computadores ou utilizando software para a xestión enerxética.

"Apagado" automático

Xa sexa traballando ou dedicado a lecer, cada vez temos o computador aceso durante máis horas ao día. Con todo, non estamos a atender á pantalla durante todo ese tempo, ben porque estamos compatibilizando con outras tarefas como lectura ou escritura en papel, ben porque nos levantamos a facer outra cousa ou simplemente estamos a falar con alguén e non estamos a prestar atención á pantalla.

As tecnoloxías de recoñecemento e procesado facial están cada vez máis presentes nas nosas vidas (etiquetaxe de caras en Facebook ou Picasa, controis de acceso, etc.). Por que non aproveitalas tamén para aforrar enerxía? Nesta actividade mostrarase un exemplo de aplicación de tecnoloxías de detección facial para aforrar enerxía na nosa pantalla. Os alumnos poderán comprobar como a pantalla do computador se comporta de maneira intelixente, acendéndose cando a estamos mirando e apagándose cando non estamos diante dela

Fabricación e consumo de teléfonos móviles

O consumo actual de teléfonos móbiles mantén funcionando unha potente industria de telecomunicacións, grazas á universalización do servizo, unha constante mellora nos terminais e unhas tarifas aceptables pero suculentas para as operadoras. Todo iso promove e subvenciona a adquisición de terminais moi baratos, ás veces a custo cero, ou moi por baixo do seu custo de produción (a operadora recupérao coa facturación mensual). Isto lévanos a cambiar de móbil cada 2 anos, ou mesmo menos. Así, só en España, millóns de móbiles quedan obsoletos todos os anos. A súa reciclaxe (condensadores de Tántalo, ouro), ou destino a países cunha demanda menor de prestacións (2ª vida) podería abrir importantes oportunidades de negocio e evitar o sen sentido actual que desperdicia tantos terminais perfectamente válidos.

Nesta actividade, na que poderemos ver multitude de modelos de móbiles que funcionaban perfectamente fai uns poucos anos e os seus circuítos electrónicos, pretendemos tomar consciencia do hiperconsumo de telefonía móbil que temos, desperdiciando moitos recursos aínda útiles.

Energy Harvesting

Nesta actividade veremos como se pode usar a calor desperdiciada por unha vela (da orde de 100 W) para producir corrente, que será usada para acender un moderno LED de potencia de alta eficiencia e unha radio. Curiosamente, esta calor xerada pola vela, é practicamente o mesmo que o que xera unha persoa en repouso.
O caso do LED é moi visual, porque mentres unha vela produce luz cun rendemento de 0,17 Lumenes/W, un LED pódeo facer cun rendemento case 1000 veces superior, a uns 160 Lúmenes/W. Isto compensa o baixo rendemento dun conversor termoeléctrico Peltier, de en torno ao 1%, para finalmente producir 10 veces máis luz que a propia vela.

Así, cun LED de potencia de 3€, unha célula Peltier de 3€ e un disipador de aluminio de 1€, poderiamos fabricar un candelabro tecnolóxico de alto rendemento para lugares remotos como Siberia ou a estepa mongola, onde as baterías se conxelan e deixan de funcionar, pero onde sen embargo a graxa animal é abundante para fabricar velas.

Este tipo de fontes de enerxía (Energy Harvesting) son moi útiles para alimentar as redes de sensores remotas sen mantemento.

Para inscribirse: info@energylab.es ou chamando ao 986 120 450. Se nos escribes un email, lembra incluir os datos do centro, o número de alumnos que participarían e un teléfono de contacto.

Lembra que a participación nas nosas actividades é gratuita. Estas actividades contan coa cofinanciación da FECYT e do Ministerio de Ciencia e Innovación.