Onte despedíamos EficienTIC 2013 coa visita do IES As Bizocas de San Vicente de O Grove e oCPR Maristas "La Inmaculada" de Lugo. Esperamos que o pasárades tan ben coma nós. ¡Ata o ano que ven!
CITEXVI (Cidade Tecnolóxica de Vigo), GRADIANT (Centro Tecnolóxico de Telecomunicacións de Galicia) e ENERGYLAB (Centro Tecnológico de Eficiencia y Sostenibilidad Energética) organizaron EficienTIC, unhas xornadas de divulgación dirixidas a estudantes de secundaria e Bacharelato de toda Galicia. As xornadas arrancaron o martes 19 de febreiro e se desenvolveron todos os martes e xoves de febreiro e marzo ata o día 14.
Foi un mes de moitísima actividade, sorrisos e enerxía para o edificio CITEXVI situado no Campus Universitario de Vigo que acolleu por segundo ano consecutivo EficienTIC 2013, unhas xornadas sobre eficiencia enerxética e tecnoloxía dirixidas a estudantes de ESO e Bacharelato de colexios e institutos de secundaria de toda Galicia. Estas xornadas organizados -ademáis de por CITEXVI- por Energylab e por Gradiant, están cofinanciadas pola FECYT (Fundación Española para la Ciencia y la Tecnología) e o Ministerio de Ciencia e Innovación.
O éxito da convocatoria foi rotundo. Así o acreditan os perto de 800 estudantes que se achegarón aos talleres que se desenvolveron dende o martes 19 de febrero, e se repetiron todos os martes e xoves de febreiro e marzo ata rematar o 14 de marzo.
As actividades de EficienTIC 2013, incluiron demostracións e visitas guiadas, completadas con obradoiros e os rapaces aprenderon cómo utilizar a tecnoloxía que nos rodea do xeito máis eficiente posible e como esta mesma tecnoloxía pode axudar ao medio ambiente, e cómo as enerxías renovables poden alimentar as nosas máquinas ou cómo facer funcionar aparatos sen electricidade.
A organización ficou moi contenta coa participación dos rapaces e espera que as actividades “serviran para achegar aos rapaces á ciencia e á tecnoloxía e que fagan súas ferramentas que permiten un aforro enerxético considerable”.
